ឯកឧត្តម រស់ សុផាន់រៀបចំវេទិកាសាធារណៈរបស់ក្រុមការងារថ្នាក់ជាតិនៅសង្កាត់គោករកា
07-June-2016 | ដោយ មែន កំសត់
ភ្នំពេញ៖នៅព្រឹកថ្ងៃទី០៧ ខែមិថុនា ឆ្នាំ២០១៦ វេទិកាសាធារណៈរបស់ក្រុមការងារថ្នាក់ជាតិស្ដីពី {ការតាមដានការអនុវត្ដន៍យុទ្ធសាស្ដ្រចតុកោណ របស់រាជរដ្ឋាភិបាលដំណាក់កាលទី៣} សង្កាត់គោករកា ខណ្ឌព្រែកព្នៅ ក្រោមអធិបតីភាព ឯកឧត្តម រស់ សុផាន់ រដ្ឋលេខាធិការក្រសួងមុខងារសាធារណ:និងជាប្រធានក្រុមការងារថ្នាក់ជាតិចុះជួយ សង្កាត់គោករកា ខណ្ឌព្រែកព្នៅ រាជធានីភ្នំពេញ។
វេទិករសាធារណៈនេះមានវត្តមានចូលរួមពីឯកឧត្តម ផនស៊ូគីម សមាជិកក្រុមប្រឹក្សារាជធានីភ្នំពេញលោកជំទាវ ប៉ែន សុបះភា រដ្ឋលេខាធិការក្រសួងផែនការលោក ហួត ហៃ នាយករងរដ្ឋបាលរាជធានីភ្នំពេញលោក ម៉ៅ បូរ៉ា ប្រធានក្រុមប្រឹក្សាខណ្ឌព្រែកព្នៅលោក ជា ខេម៉ា អភិបាលរងខណ្ឌព្រែកព្នៅ ក្រុមប្រឹក្សាសង្កាត់ ក្រុមប្រឹក្សាខណ្ឌ មេភូមិ មន្ត្រីការិយាល័យជំនាញកងកម្លាំងប្រដាប់អាវុធទាំង៣ និងប្រជាពលរដ្ឋ មន្ត្រីរាជការជាច្រើននាក់ផងដែរ។
បន្ទាប់ពីលោក ជា ខេម៉ា អភិបាលរងខណ្ឌព្រែកព្នៅ បានធ្វើរបាយការណ៍ស្វាគមន៍ស្ដីពីសកម្មភាពសមិទ្ធផល របស់អាជ្ញាធរក្នុងខណ្ឌ សង្កាត់ដែលបានសម្រេចនាពេលកន្លងមក ជម្រាបជូនដល់អង្គវេទិកាសាធរណៈរួចមក អង្គវេទិកាបានបើកកម្មវិធីប្រគល់ជូនសមាជិក សមាជិកា ប្រជាពលរដ្ឋដើម្បីលើកជាសំណួរ តម្រូវការ សំណូមពរ ជាចាំបាច់ ដល់វាគ្មិន ចំពោះតម្រូវការដោះស្រាយមិនបានក្រុមការងារនិងធ្វើរបាយការណ៍ទៅថ្នាក់ជាតិបន្តដោះស្រាយ ទៀត។ប្រជាពលរដ្ឋបានលើកឡើងពីការងាររដ្ឋបាល ភូមិសង្កាត់មានសុវត្ថិភាព បទល្មើសល្បែងស៊ីសង គ្រឿងញៀន ចោរកម្ម ការដោះស្រាយ ទំនាស់ ការធ្វើឯកសាររដ្ឋបាល ដូចជាលិខិតស្នាម ផ្សេងៗ ការបង់កម្រៃ ការងារជលផល ការងារសុខភាព សេវាសាធារណៈនិងតម្រូវការចាំបាច់នៅមូលដ្ឋាន ។
ខណៈនោះឯកឧត្តម រស់ សុផាន់ រដ្ឋលេខាធិការក្រសួងមុខងារសាធារណ:និងជាប្រធានក្រុមការងារថ្នាក់ជាតិចុះជួយ សង្កាត់គោករកា ខណ្ឌព្រែកព្នៅនិងក្រុមការងារក៏បានដោះស្រាយនិងណែនាំនូវច្បាប់មួយចំនួនដល់ម្ចាស់សំណួរ ដោយ ភាពរលូន ឯកឧត្តមក៏សូមកោតសរសើរដល់បងប្អូននប្រជាពលរដ្ឋដែលហ៊ាននិយាយត្រង់ និងចំៗនេះសបញ្ជាក់ថាការយល់ដឹងរបស់ប្រជាពលរដ្ឋ បានយល់ដឹងច្រើន ឯកឧត្តមសំណូមពរដល់មន្ត្រីដែលពាក់ព័ន្ធត្រូវបន្តការយកចិត្តទុកដាក់ ដោះស្រាយនិងបម្រើសេវារដ្ឋបាល សន្តិសុខជូនប្រជាពលរដ្ឋឲ្យបានល្អប្រសើរ និងការអនុវត្តន៍កម្រៃរដ្ឋបាលលើលិខិតស្នាមទៅតាមច្បាប់កំណត់៕
ចំនួនអ្នកទស្សនា
- ថ្ងៃនេះ3731
- ម្សិលមិញ2931
- សប្តាហ៍នេះ15921
- ខែនេះ3731
- ឆ្នាំនេះ986951
- សរុប20214397